MALAKI ang suporta ni Senator Francis Tolentino sa pagsasagawa ng audit hinggil sa binibiling COVID-19 vaccine ng bansa.
Ayon sa senador, malaki ang inilabas na pondo para sa pagbili ng bakuna kaya kailangan itong mai-audit.
Tinatayang aabot sa P115-B ang nagamit na pera para sa mga bakuna at batay sa huling update, 44-M doses na ng bakuna ang nasayang.
Sinabi ni Tolentino na pinapayagan ng World Health Organization (WHO) ang 10% vaccine wastage subalit sa Pilipinas, kung susuriin, ang 44-M na nasayang ay katumbas ng 17%.
Samantala, hindi naman tutol ang Department of Health (DOH) kung magsasagawa ng special auditing sa COVID vaccine procurement.
