Multi-sectoral probe sa pagguho ng Binaliw landfill, ilulunsad ng DENR

Multi-sectoral probe sa pagguho ng Binaliw landfill, ilulunsad ng DENR

Isang independent at multi-sectoral investigation ang ilulunsad ng Department of Environment and Natural Resources (DENR) na tututok sa malagim na insidente sa Binaliw Landfill sa Cebu.

Ayon kay DENR Secretary Raphael Lotilla, layon ng imbestigasyon na panagutin ang mga responsable at tukuyin ang teknikal na sanhi ng insidente.

“We are taking immediate and decisive action to ensure an impartial and scientific inquiry into the Binaliw incident. The public deserves transparency, and we are committed to delivering results that will ensure accountability and prevent future tragedies,” wika ni Sec. Raphael Lotilla, Department of Environment and Natural Resources (DENR).

Bubuo rin ng special multi-stakeholder investigative team na kabibilangan ng mga eksperto mula sa academe, NGO, at katuwang ang legal at enforcement teams ng DENR. Kasabay nito, iniutos din ng kalihim ang nationwide inspection ng lahat ng operating sanitary landfills upang tiyakin ang pagsunod sa Environmental Compliance Certificates at safety protocols.

Nagpatupad rin ang DENR ng administrative changes sa Region 7 upang masiguro na walang kinikilingan sa fact-finding investigation. Bukod pa rito, palalakasin ang public participation sa pamamagitan ng multi-sectoral monitoring teams para sa lahat ng waste management projects partikular sa mga sanitary landfill.

Matatandaang umabot sa mahigit 30 ang nasawi sa trahedya sa Binaliw Landfill sa Cebu. Nag-isyu na rin ng cease-and-desist order ang DENR Region 7 laban sa Prime Integrated Waste Solution Incorporated.

 

Follow SMNI NEWS in Twitter

Follow SMNI News on Rumble