Inanunsiyo ngayong Lunes, Enero 26, 2026 ni House Majority Leader Sandro Marcos na siya ay mag-iinhibit o hindi sasali sa lahat ng pagdinig at proseso kaugnay ng mga impeachment complaint laban kay Pangulong Ferdinand R. Marcos Jr.
Sa isang pahayag, sinabi ni Marcos na ang kaniyang desisyon ay kaugnay ng mga reklamong isinampa laban sa Pangulo, na kaniyang ama, kaya pinili niyang umiwas sa lahat ng talakayan, deliberasyon, at proceedings ng House Committee on Rules na may kaugnayan sa mga kasong ito.
“In view of the impeachment complaints filed against President Ferdinand R. Marcos Jr., who is my father, I have decided to formally recuse myself from all discussions, deliberations, and proceedings of the House Committee on Rules insofar as these complaints are concerned,” wika ni Ilocos Norte Rep. Sandro Marcos.
Ayon pa sa House leader, ang desisyong ito ay hindi dahil sa legal obligation kundi para mapanatili ang integridad ng Kamara, maprotektahan ang kredibilidad ng mga proseso nito, at mapanatili ang tiwala ng publiko sa constitutional system.
“I take this step not as a retreat from responsibility, but as an affirmation of it. Public office is a trust, and that trust is strengthened when those who hold power are willing to step aside to protect the institution they serve,” dagdag ni Rep. Sandro.
Inilabas ni Marcos ang pahayag matapos maisumite ngayong Lunes ang ikalawang impeachment complaint laban kay Pangulong Marcos na isinampa ng mga makakaliwa sa Kamara.
Kinumpirma rin na tinanggap ng House Secretary General na si Cheloy Garafil ang naturang reklamo.
