NAGBITIW na sa kaniyang posisyon si National Police Commission (NAPOLCOM) Commissioner Edilberto Leonardo.
Ito ay matapos na madawit sa diumano’y pamamaslang kay retired Police General at dating PCSO Board Secretary Wesley Barayuga.
Tinanggap ito ng Office of the Executive Secretary.
Kasama rin sa nasasangkot si dating PCSO General Manager Royina Garma na diumano’y nag-utos sa pagpaslang kay Barayuga.
Sa dokumentong nakarating sa Kampo Krame, ipinabatid ni Executive Secretary Lucas Bersamin kay Department of the Interior and Local Government (DILG) Sec. Jonvic Remulla na tinanggap nito ang pagbibitiw ni Leonardo.
