GAGANAPIN ngayong buwan ng Marso 5 hanggang Marso 24 ang ‘Salaknib’ exercises sa pagitan ng mga tropa ng militar ng Pilipinas at Amerika.
Kabilang sa mga kalahok ang mga tropa 1st Brigade Combat Team, Training and Doctrine Command, Army Support Command, 51st Engineer Brigade, Civil-Military Operations Regiment, Army Artillery Regiment, Aviation Regiment, Armor Division, Light Reaction Regiment, Special Forces Regiment, at First Scout Ranger Regiment ng Philippine Army (PA) at ang counterpart na mula sa United States Pacific Command (USARPAC).
“Salaknib, which means shield in Ilocano, is a testament to our enduring ties with the US Army. It is anchored on the Philippine-US Mutual Defense Treaty and has been ongoing since 2015,” pahayag ni PA commander, Lt. Gen. Romeo Brawner Jr.
Ang Salaknib exercises ay isang taunang aktibidad na ini-sponsoran ng USARPAC at ang Philippine Army naman ang host nito.
Layunin nitong pamabuti ang kahandaan sa depensa ng mga tropa ng dalawang bansa.
Nakaraang Enero 21, inispeksyon ng PA at USARPAC teams ang training sites sa Central Luzon upang tiyakin ang kahandaan nito.
“The conduct of combined training exercises between the Philippines and US armies will capacitate us in effectively dealing with the fast-changing security landscape of the Indo-Pacific region,” ani Brawner.
