ITINANGHAL ang Filipino Supergroups na SB19 at Ben&Ben bilang big winners sa 2022 Awit Awards na nakapag-uwi ng 7 at 5 trophies.
Iprinesenta ng Philippine Association of the Record Industry (PARI) at MYX Global ang Star-Studded Awarding Ceremony na ginawa sa Newport Performing Arts Theater.
Nanalo rin si KZ Tandingan na may 3 awards at Bell Mariano, Leanne & Naara, Zild, at Noel Mendez na may tag-2 trophies.
Ang mga itinanghal na top prizes ay ang “Anticipation” nina Leanne & Naara bilang Record of the Year, “Pebble House Vol. 1: Kuwaderno ng Ben&Ben” bilang Album of the Year, at “Binibini” ni Zack Tabuldo bilang Song of the Year.
