Thailand, magpapadala ng rescue team sa Türkiye; PM Prayut Chan-o-cha, nagpaabot ng pakikiramay

Thailand, magpapadala ng rescue team sa Türkiye; PM Prayut Chan-o-cha, nagpaabot ng pakikiramay

MAGPAPADALA ng tulong ang Thailand para sa nagpapatuloy na search and rescue operations sa Türkiye at Syria.

Ayon sa Department of Disaster Prevention and Mitigation ng Thailand, isang 20-member Urban Search and Rescue team ang nakatakdang tumungo sa Turkiye.

Nakahanda ang nasabing grupo at naghihintay na lang ng go-signal mula sa Turkish government.

Samantla, nagpaabot naman ng pakikiramay si Prime Minister Prayut Chan-o-cha kay Turkish President Recep Tayyip Erdogan, ayon kay Foreign Ministry spokesperson at Information Department Director-General Kanchana Patarachoke.

Sinabi naman ng Thai Ambassador sa Ankara na walang naitalang Thai na namatay o nasugatan. Gayunpaman, naiulat naman na labis na napinsala ang mga tirahan ng ilang Thai nationals.

Batay sa datos ng Ministry o Labor, nasa 83 Thai nationals ang nagtatrabaho sa Türkiye.

Sa ngayon ay pansamantala munang nananatili ang mga biktima ng lindol sa temporary accomodation na inilaan ng Türkiye.

Follow SMNI NEWS in Twitter