IBINAHAGI ni Volunteers Against Crime & Corruption (VACC) President Arsenio ‘Boy’ Evangelista ang mga katangian na nais niya sa isang hepe ng pulis.
Kasunod ito sa pagpapalit ng liderato sa Philippine National Police (PNP) kamakailan dahil sa pagreretiro na rin ni PGen. Rodolfo Azurin, Jr.
Kaugnay nito, binigyang-diin pa ni Evangelista na dapat magsimula rin sa recruitment ng magiging bagong pulis ang pagsasaayos ng kanilang hanay.
Aniya, sa mga bagong pulis pa lang ay maitanim na sa kanilang isipan ang totoong mandato ng pagiging PNP.
Pinuri naman ni Evangelista ang bagong PNP chief na si Gen. Benjamin Acorda, Jr. dahil sa magandang record nito.
Ipinahayag pa nito ang suporta kay Acorda sabay ang apela na linisin na ang PNP organization para mai-level up itong muli.
