INANUNSIYO ng Malacañang ang pagkakatalaga kay Atty. Hans Leo Cacdac bilang officer-in-charge ng Department of Migrant Workers (DMW).
Si Cacdac ang papalit sa posisyon ng yumaong si DMW Secretary Susan “Toots” Ople.
Una nang nagsilbing Undersecretary for Welfare and Foreign Employment ng DMW si Cacdac at nakapagsilbi ring administrator at deputy administrator ng Philippine Overseas Employment Administration (POEA).
Bukod kay Cacdac, itinalaga rin ni Pangulong Marcos si Jennifer Pia Las bilang chairperson ng National Commission on Indigenous Peoples sa ilalim ng Department of Social Welfare and Development (DSWD).
In-appoint din ni Pangulong Ferdinand R. Marcos, Jr. si Jose Lim IV bilang Assistant Secretary ng Department of Transportation (DOTr).