TUMULAK na patungong Indonesia ang BRP Andres Bonifacio ng Philippine Navy para lumahok sa Multilateral Naval Exercise Komodo (MNEK).
Pinangunahan ni Commander of Fleet Marine Ready Force Brigadier General Edwin Amadar ang send-off ceremony sa Naval Operating Base, Subic, Zambales.
Higit 40 bansa ang inanyayahan na lumahok sa pagsasanay na gagawin sa Makassar, Indonesia mula Hunyo 4 – 8.
Layunin nito na mapalakas ang kooperasyon ng mga bansang kalahok sa pagsasanay.
Kabilang sa kanilang tututukan ay ang Humanitarian Assistance Disaster Response (HADR) operations at maritime interdiction operations.
