Drug den sinalakay ng PDEA, 3 drug suspects, arestado

Drug den sinalakay ng PDEA, 3 drug suspects, arestado

ISANG drug den ang ang sinalakay ng mga operatiba ng Philippine Drug Enforcement Agency (PDEA) kung saan 3 drug suspects ang naaresto sa joint drug buy-bust operation na isinagawa ng Davao del Sur Provincial Office of the Philippine Drug Enforcement Agency  Regional Office XI, Criminal Investigation and Detection Group (CIDG)-Davao del Sur at iba pang Drug Law Enforcement Unit sa Purok Pakikisama, Brgy. Sinawilan, Digos City, Davao del Sur.

Batay sa report ng mga operatiba  kay PDEA Director General Amoro Vergilio Lazo, arestado ang target ng buy-bust operation at ang drug den maintainer na kinilalang si Allen Luchavez alyas Allen, 32 anyos, may live-in partner at residente ng nasabing lugar dahil sa pagbebenta ng 1 pirasong heat sealed transparent plastic sachet ng hinihinalang shabu na nagkakahalaga ng P8,000 sa operatiba na nagsilbing poseur buyer.

Arestado rin ang 2 bisita sa drug den na kinilalang sina Jason Borla at Dexter Sevilla na nagsasagawa ng shabu session sa loob ng nasabing drug den.

5 pirasong heat sealed transparent plastic sachet na may pinaghihinalaang shabu na may iba’t ibang laki na humigit-kumulang 14 gramo na may DDB Value na P95,200 at 1 pirasong improvised aluminum foil strip na may hinihinalang shabu residue, assorted drug paraphernalia at nasamsam din sa operasyon ang buy-bust marked money.

Kasong paglabag ng Republic Act 9165 (Comprehensive Dangerous Drugs Act of 2002) ang ihahain laban sa mga suspek.

 

Follow SMNI NEWS in Twitter