PINANGALANAN na ni Pangulong Ferdinand “Bongbong” Marcos Jr. ang bagong Philippine National Police (PNP) Chief sa katauhan ni General Rodolfo Azurin, Jr. ayon kay Press Secretary Trixie Cruz-Angeles.
Sa kasalukuyan ay kumander si Azurin ng Northern Police Area na kinabibilangan ng Region 1,2,3 at Cordillera Administrative Region.
Dati ring kumander si Azurin ng Southern Luzon Police Area na kinabibilangan ng Calabarzon, Region 4-A, Mimaropa, Region 4-B at Region 5.
Humawak din si Azurin ng star-rank positions sa Camp Crame bilang director ng Directorate for Comptrollership at maging ng Directorate for Information and Communication Technology (DICTIM).
Si Azurin ay nagtapos sa Philippine Military Academy bilang kasapi ng Makatao Class of 1989.
