HINIKAYAT ng Department of Transportation (DOTr) ang Korean companies na palawakin pa ang kanilang investments sa bansa lalong-lalo na sa sektor ng transportasyon.
Sa gitna na rin ito sa pinupursiging transportation system modernization ayon kay DOTr Sec. Jaime Bautista.
Sa kasalukuyan ay katuwang ng DOTr ang Republic of Korea sa New Cebu International Container Port, Maritime Safety Enhancement Project at relocation ng New Dumaguete International Airport.
Suportado rin ng mga ito ang LRT-2 extension hanggang Antipolo, automated fare collection system, Pangasinan New Airport at isang new airport backup system.
