PINAHAHALAGAHAN ng partido Lakas–Christian Muslim Democrats (Lakas-CMD) ang suporta ni Sarangani Representative Ruel Pacquiao kay Davao City Mayor Inday Sara Duterte.
Ayon sa Lakas-CMD, batid nila na hangad ng Uniteam ni Mayor Sara at Presidential aspirant Ferdinand ‘Bongbong’ Marcos ang pagkakaisa para sa lahat ng mga Pilipino.
Magugunitang nagkaroon ng pagpupulong sina Mayor Sara at kapatid ni Senator Manny Pacquiao kasama si Sarangani Gov. Steve Solon at mga alkalde mula sa iba’t ibang bayan ng probinsya.
Nagpahayag din nang suporta hindi lamang ang kapatid ni Sen. Pacquiao kundi si Gov. Solon at ang mga alkalde.
Pinabatid na rin ang nasabing pagpupulong kay BBM at sang-ayon ang Uniteam dito.
