Long term development program, ilulunsad sa Siem Reap

Long term development program, ilulunsad sa Siem Reap

PLANO ngayon ng Cambodia na maglunsad ng long term development program sa probinsya ng Siem Reap.

Target ngayon ng pamahalaan ng Cambodia na i-develop ang probinsya ng Siem Reap upang gawing isa sa mga tourist destination sa bansa.

Ito ang inanunsyo ni Deputy Prime Minister Aun Pornmoniroth nitong Miyerules, ayon sa kanya parte ito ng tourism industry project ng bansa na kung tawagin ay Siem Reap Provincial Tourism Development Master Plan sa taong 2021 hanggang 2035.

Ayon naman kay Tourism Minister Thong Khon ang nasabing master plan o long term development program ay isa rin sa pitong strategic area ng bansa partikular sa tourism development.

Gaya na lamang ng pagdevelop ng major tourists sites, mga bagong tourism products, promotion ng tourismo, pag enhance ng quality at sustainability sa provincial tourism, environmental management, pag develop ng imprastruktura, at maging ang tourism governance.

Samantala, nakapaloob sa master plan ang 43 strategies, 135 implementation action projects at 20 priority action projects.

SMNI NEWS