Top 5 Most Wanted, tiklo sa operasyon sa Cavite

Top 5 Most Wanted, tiklo sa operasyon sa Cavite

ARESTADO ang top 5 Most Wanted Person sa Cavite matapos ang isinagawang ‘Oplan Pagtugis’ sa Tagaytay City, Cavite.

Ayon kay PNP CIDG Director Police Brigadier General Ronald Lee, kinilala ang suspek na si Darrell Abito Majestral, 32 taong gulang, at residente ng Brgy. San Lorenzo Ruiz 2, Dasmariñas, Cavite.

Si Majestral ay naaresto sa bisa ng warrant of arrest sa kasong homicide na inilabas ng korte sa Imus City, Cavite noong Nobyembre 23, 2022.

Dinala na ang suspek sa CIDG Manila District Field Unit para sa proper disposition at documentation.

Iginiit ni Lee na patuloy na ipatutupad ng CIDG ang kampanya laban sa kriminalidad upang maging ligtas ang publiko.

Follow SMNI NEWS in Twitter