NAKAPAGHAIN na ng Certificate of Candidacy (COC)si Davao City vice mayor Sebastian Baste Duterte bilang re-electionist.
Pasado alas-onse kaninang umaga ng maghain ng Certificate of Candidacy si vice mayor Baste Duterte sa Commission on Elections office sa Davao City para muling tumakbo bilang bise alkalde.
Tatakbo naman ito sa ilalim ng Hugpong ng Pagbabago Party ng kanyang nakatatandang kapatid na si Davao City Mayor Sara Duterte.
Kung maaalala, kahapon ng maghain ng COC si Mayor Sara para muling tumakbo bilang alkalde ng lungsod para sa ikatlong termino.
Pero ayon kay Pangulong Rodrigo Duterte sa isang ambush interview sa labas ng Sofitel hotel, tatakbo bilang pangulo si Sara kung saan magiging ka-tandem nito si Sen. Bong Go na una ng naghain kahapon ng kandidatura para sa pagka-bise presidente.
