NAGBIGAY ng 7.6 milyong pisong halaga ng disaster relief supplies ang United States Embassy Civil Affairs Team (CAT) sa Tuguegarao City, Cagayan.
Ito ay bilang suporta sa Local Humanitarian Assistance and Disaster Relief Preparedness matapos ang epekto ng Bagyong “Karding”.
Binubuo ang mga donasyon ng disaster relief tents at medical supplies, dive equipment, at dalawang rubber boats na mayroong out-board motors.
Pinangunahan nina CAT Leader Captain Stephen Coleman at Attorney Mabel Villarica-Mamba, kinatawan ni Cagayan Governor Manuel Mamba ang turnover ng mga donasyon sa Tuguegarao Provincial Disaster Risk Reduction and Management Office, Philippine Coast Guard, at mga ospital sa probinsya.
Nagpahayag ng kumpiyansa si Coleman na sa pamamagitan ng pagtutulungan ay malalampasan ang mga hamon tulad ng natural disasters, global pandemics o foreign incursions.
