KINILALA ang SMNI News Channel kamakailan sa International Golden Awards Philippines sa Aberdeen Court Hotel sa Quezon City nitong Sabado ng gabi bilang ‘Most Outstanding News Channel.’
Pinasalamatan ng SMNI News Channel ang mamamayang Pilipino sa kanilang patuloy na pagtitiwala sa multimedia network.
Hindi rin pinalampas ng nasabing network ang pagkakataong magpasalamat kay Pastor Apollo C. Quiboloy sa tiwala at walang sawang suporta na kanilang natanggap mula sa butihing Pastor.
Una nang sinabi ni Pastor Apollo na ang SMNI ay nakatuon sa nation-building at magiging katuwang ng pamahalaan tungo sa isang progresibong Pilipinas.
Mula pa noong unang quarter ng 2023, ang SMNI News ay tuluy-tuloy na nakatatanggap ng ilang mga parangal mula sa iba’t ibang award giving bodies.
