IBINAHAGI ni AnaKalusugan Partylist Mike Defensor na kasalukuyan siyang blocked sa Facebook matapos ang post nito hinggil sa Ivermectin.
Sa programang Point of Order ng SMNI News, binigyang-diin ni Defensor na wala itong intensyong masama laban sa gobyerno sa naturang post kung kaya’t nakakalito aniya ang dahilan bakit siya na censor.
“Pero yun nga ang nakakagulat kasi sa usaping ganito, dapat kung hindi ka man para sa ivermectin, o kung ikaw naman ay para sa ivermectin, hindi dapat kitilin yung ating kalayaan na magsalita kasi nga exchange of ideas to eh, wala namang masama dun sa sinasabi mo, wala ka namang sinasaktan, kung baga eh makakatulong ka pa nga sa usaping ganito, yun ang hindi ko maintindihan,” pahayag ni Defensor.
Ibinahagi ni Defensor na sa Uttar Pradesh, India na may 200 million na kabuuang populasyon ay mahigit kumulang apatnaput isa lang ang nagkakasakit ng COVID-19 sa 7-day average ng rehiyon.
Ang sekreto aniya, umiinom ng ivermectin ang mga taong naninirahan sa nasabing lugar. Ang vaccination rate lang din dito ay 7%, isang patunay na hindi lang ang COVID-19 vaccine ang susi para labanan ang sakit.
Subalit nang siya ay nanawagan na sa Food and Drug Administration (FDA) at Department of Health (DOH) hinggil dito, wala pang tatlumpung minuto ay blocked na siya sa Facebook.
Fake news ukol sa West Philippine Sea, bakit hindi nai-block ng Facebook ayon kay Deputy Speaker Marcoleta; muling iginiit na partisans ang fact checker ng naturang social media platform
Kinuwestiyon ni Deputy Speaker Rodante Marcoleta ang hindi pag-block ng Facebook sa isang maling post hinggil sa West Philippine Sea (WPS).
Kaugnay ang naturang reklamo ng kongresista sa pag-block ng Facebook sa account ni AnaKalusugan Mike Defensor hinggil sa ivermectin na nakatutulong naman aniya laban kontra COVID-19.
Nauna nang sinabi ni Marcoleta na partisans ang fact checkers o gumagawa ng guidelines ng Facebook lalong-lalo na kung may kaugnayan sa politika.
“Yung pagre-restrict nila o yung maaaring pag-block nila sayo ay nakasalig sa apat na panuntunan, meron silang tinatawag na authenticity, safety, privacy at saka dignity,” ani Marcoleta.
Binigyang-diin niya na pinipili ng mga ito ang mga pag-aaral lang na tumatama sa kanilang paniniwala.
Gayundin ang ginagawang pamimili ng mga ito sa mga pag-aaral sa isang gamot na pinapanigan nila at gusto nilang gamitin sa mga hospital.
https://www.youtube.com/watch?v=F_AZTKtgEFc
