IPINAG-UTOS ni Thai Prime Minister Prayut Chan-o-cha sa kanilang Ministry of Public Health (MPH) na patuloy i-monitor ang sitwasyon ng COVID-19.
Ito’y kasunod ng pagtaas ng kaso ng COVID-19 matapos ang Songkran holiday noong nakalipas na 2 linggo.
Kabilang sa mga lugar na nakapagtala ng mataas na kaso ang Bangkok, Phuket, Chiang Mai at Chonburi.
Inaasahan naman na mas tataas pa ang kaso ng COVID pagdating ng tag-ulan.
